2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
23/10/2026 - Igorre
Mugikor zaharren bilketa-kanpaina
Mugikor zaharrak jaso eta Alboan elkarteagaz elkarlanean mugikor horiek berrerabiltzeko moduan jarriko dira posible izatekotan eta bestela mugikor horiek mineralak birziklatuko dira.
23/10/2026 - Azpeitia
KLIMA Azoka, Azpeitian
KLIMA Azoka esperientzia interaktibo bat da, herritarrak mobilizatzeko, hezteko eta klima-aldaketaren aurrean jarduteko beharraren inguruan kontzientziatzeko diseinatua.
23/10/2026 - Mundaka
Birziklapen eta berrerabilpen tailerrak ludotekan
Udal ludotekan birziklapenari eta berrerabilpenari buruzko tailerrak egingo dira, herriko haurrei zuzenduta. Jarduera praktiko eta sortzaileen bidez, materialen aprobetxamendua eta hondakinen murrizketa sustatuko dira.
23/10/2026 - Pasaia
Antxoko babesleku klimatikoak ezagutzeko ibilaldiak
Jardueraren bidez, herritarrek bero-boladen eta aldaketa klimatikoaren ondorioei aurre egiteko diseinatutako guneak ezagutuko dituzte, baita espazio horiek ongizatean, osasunean eta hiriaren klima-egokitzapenean duten zeregina ere.
23/10/2026 - Markina-Xemein
Hotz instalazioak: aukerak eta betebeharrak. Nola kontsumitu energia gutxiago?
Herritar guztiei zuzendutako hitzaldia. Bertan, hozte-instalazioei buruzko informazioa emango da, eta «Nola kontsumitu energia gutxiago?» galdera landuko da.
22/10/2026 - Legazpi
Euskadiko errealitate energetikoari buruzko dibulgazio-hitzaldia Legazpin
«Euskadiko eredu energetikoa» izenburupean, Energiaren Euskal Erakundeko (EEE) teknikari espezializatuek dibulgazio-hitzaldi bat eskainiko dute, Euskadiko errealitate energetikoa eta sorkuntza berriztagarriago bat lortzeko erronka nagusiak ezagutarazteko.