2026ko edizioa
Euskadiko Klima eta Energiaren Astea 2026
Urriaren 16tik 25era Euskadiko Klima eta Energiaren Astea izango da. Bertan, milaka pertsonak jarduera-programa zabal batez gozatzeko aukera izango dutela aurreikusten da. Programa horrek dibulgazioa, sentsibilizazioa eta esperientzia praktikoak uztartuko ditu lurralde osoan.
Ekimena Eusko Jaurlaritzako Industria, Trantsizio Energetiko eta Jasangarritasun Sailak bultzatzen du, Energiaren Euskal Erakundearen (EEE) eta Ihobe ingurumen-kudeaketarako sozietate publikoaren lankidetzarekin.
Datozen ekitaldiak
21/10/2026 - Tolosa
Aztertu informazio-gunea eta tailerra
Eusko Jaurlaritzaren Aztertu Ingurumen Hezkuntzako programak informazio-gune bat jarriko du, ingurune hurbileko ingurumena behatzeko, aztertzeko eta zaintzeko materialekin.
21/10/2026 - Getxo
Batukada material birziklatuekin
Sortu musika-tresnak plastikoa, kartoia eta metala berrerabiliz. Ikasi hondakinak eraldatzen eta parte hartu egindako musika-tresnekin eskainiko den batukada-erakustaldi batean.
21/10/2026 - Dima
Aldaketa klimatikoa eta suteak
Aldaketa klimatikoak baso eta mendi ekosistemetan dituen ondorioak aztertuko dira, bereziki baso-suteen arriskua areagotzen duten faktoreak eta azken urteotan gero eta maizago eta intentsitate handiagoz gertatzen diren suteek ingurumenean eta gizartean duten eragina.
21/10/2026 - Tolosa
CIMASUB: publiko guztientzako urpeko zinema-emanaldia
Publiko orokorrari irekitako emanaldia, mundu osoko urpeko argazkilari eta bideogileen irudien aukeraketa zainduarekin.
21/10/2026 - Ortuella
Asiar liztorrei buruzko prestakuntza
Zer dakigu asiar liztorrari (Vespa velutina) buruz eta nola jokatu behar dugu haren aurrean?
21/10/2026 - Mungia
Euskadiko errealitate energetikoari buruzko dibulgazio-hitzaldia Mungian
«Euskadiko eredu energetikoa» izenburupean, Energiaren Euskal Erakundeko (EEE) teknikari espezializatuek dibulgazio-hitzaldi bat eskainiko dute, Euskadiko errealitate energetikoa eta sorkuntza berriztagarriago bat lortzeko erronka nagusiak ezagutarazteko